ليتني ماشفت في عينك دموع..منظر الدمعه على خدك هلاك

هاي انا stylish وهذا اول موضوع لي
بنكد عليكم بكتب عن الدموع
بس ترا بكتب بطريقة يعني.. مثل ما تجي الافكار ابحطها ..مالي خلق اقعد ارتب واكتب وووانسق<<عياره

دموع.. بكااااء..حزن... فرح..ضحك..بصل ..اي دموع..المهم ان الواحد يتخلص من الضغط النفسي
قرأت ان معدل بكاء المرأه 65 مره في السنه..والرجل 15 مره....

في ناس تبكي قدام الناس
وناس تدخل الغرفه..تقفل الباب وتبكي بالحالها<< هالناس باي ذا وي..هم اكثر ناس يضحكون ..والجميع يحس انهم اسعد ناس في الدنيا..
مايدرون ان ورااا كل ابتسامه..اكيد في حزن...
يعني .."اضحك..ودمعي حاير وسط عيني" على قولة خالد الفيصل

احب دموع الرجل..!! اي احبها..احس ان الرجال اللي يبكي حساس وحنون وطيب...
اللي ما يبكي قلبه قاسي..خليه يروح يوللي

ماحب كلمة دموع التماسيح..ولا اعترف فيها ...ما اعتقد في انسان يقدر يبكي بدون احساس..

انا اعرف ان اكيد عيونى بتدمع في حالتين :
اذا بطلع مع البنات..ماي فريندز طلعة جنان..واستهبال...
وفي هالحاله نو وي احط كحل وماسكرا..بعرف اني من كثر الضحك دموووووووعي بتصب وووبينحاس وجهى..
بس هذي احلى دموع..
وووولما اكون رايحه موفي عارفه ان فيها حزن ودراما<<<اكبر بكايه مع الموفيز كمان ماحط كحل...
وتراهم نصابين مافي كحل ووتر بروووف جربت كل شي لاااازم يسيح وتصير البنت كن احد ضاربها على عينها ويضيع البريستيج..

تحزني دموع الاطفال بس مو اي دموع

في الدموع اللي بدون صوت تذبحني

بس اذا قاموا يصارخون ويبكون بدون سبب
نو ما يهموني..ودي يسكتون ووبس..

في دموع الكبار العجايز..مرره صعبه..ترحمهم..تحسهم يبكون من قلب..

وفي دموع القلق..في عيون ام ..واهل..على شخص مريض..تعبان..مايدرون هو بيعيش بيموت وش فيه..
وما يلقون حل غير البكاء و..قول ياارب


دموع امي وابوي ...ما ودي اشوفها ابدا...

دمووع المظلوم..والمقهور صعبه...!!!

في الدموع اللي ..."عين بكت من خشية الله"... واااو عليها. ..لين اليوم اذكر اول مره بكيت من خشية الله...هذي اكيد دموع تغسل الذنوب باذن الله ...الله لا يحرم احد منها..
دموع المصلي بصلاته وخشوعه ..دموع طالب الرحمة والغفران..دموع قلب اتعبته الدنيا فلجأ لله تعالى.. وهي من اروع الدموع ..

وفي دموع خوف ..وحنا صغار اذا سوينا شي( باد) وخفنا اهلنا يدرون..<<هذي عاد اسمع فيها عمرها ما صارت لي ..<< ما تخاف.. يعني اخاااااف.. بس مو لدرجة اني ابكي...

في دموع ندم على غلطه مع احد غالي وعزيز...احساس فظيع..مو حلو..

في دموع الحزن...ماحد ماجربها..كلنا جربناها..حتى لو قلنا لبعض.. آخر الاحزان..هي كلمة تنقال..نضحك على انفسنا.. كلنا عارفين انها ما رح تكون آخر الاحزان...

في اغاني لها ذكريات عند كل واحد منا ...اذا سمعناها ندمع..
اغنيه كل مره اسمعها دموعي تنزل بدون شعور..تذكرنى باعز صديقه لي..توفت الله يرحمها كانت تحب السونق

المهم...اذا بتبكووون لفرح..حلو..واذا لحزن..نو بربلم...كلها مشاعر وواذا ما عبرنا عنها بالدمووع ليش ربي خلقها.؟اكيد لسبب

و الاكيد..ان الدموع تغني عن الف كلمه وكلمه