ياآبــويه ليه تبكي ؟؟

مرحباآ لكل الأعضاء ...

حبيت انقل لكم قصيده للشاعر ( جاآبر هايف ) ..
ان شالله تعجبكم ..





(يابويه) ليه تبكي كل ماشفتك وعينـك لـيّ
تخاف أموت (يابويه) وقبـل أمـوت تبكينـي

كفا (يابوي) لاتبكي وأنا موجود معـك وحـيّ
أجل بعد الرحيل أشلون في قبري توطينـي

(يابويه) لو تموت الناس ماتسوى دموعك ذيّ
وانا (يابوي) مّيت قبل أموت وأنت محيينـي

قسم بالله (يابويه) لجل عينك شربـت الغـيّ
جرعت الهم والحرمان وبحر الويل يسقيني

تحملت السنين اللي طوتني في عذابي طـيّ
وصار الجمر بكفوفي وتحت أقدام رجلينـي

(يابويه )ماعلى عمري حسافه ولابقابي شـيّ
ولكـن بطلبـك( يابـوي) تكفـا لاتخلـيـي

(يابويه) ماابي غيرك يغّسـل جثتـي بالمـيّ
وتكفا قبل لاأتكفـن (يابويـه) فكلّـي عينـي

بأمر الله يمكن ألمحك وأرحل في عيني ضيّ
وودّع وجهك الطاهر مع دنيـاي وسنينـي

وخل الناس تحملني وترفع راسي ورجلـيّ
وتاخذني على قبري وتكسب أجرهـا فينـي

واذا جيت القبر (يابوي) نزلني شوي شـويّ
ووجهنـي لبيـت الله وقبلـت المصلينـي

واذا تقدر أبي صورتك أمانه حطها بيـديّ
لعـل الله يشفعلـي اذا صورتـك بيدينـي

وحط الطين وادفني وعز اللي يعـزي فـيّ
ثـلاث أيـام (يابويـه) يجونـك المعزينـي

ورابع يوم (يابويه) تذكـرّ ضحكتـي وعنـيّ
تذكّر ويش كنت أقول يـوم أنـك تنادينـي

تذكّر يوم كنت انام في ظل النخـل والفـيّ
تجي يمّي تصب الما على وجهي وتصحيني

تذكّر جر الموال وصوت ٍ في حبالـه كـيّ
تذكّر يوم أغني لك قصيدي وانت توحينـي

تذكّر ضحكتك لاقلتلك (يابوي) عشقـي هـيّ
تذكّر كم قصيـده خافيـه مابينـك وبينـي

تذكّر كل شي ٍ كان وأذكر يوم آنآ حـيّ
ولكـن أسئلـك بالله (يابـويـه) لاتبكيـنـي

..............................

تحيآاتي : كاأآأريــــــــــزماآ ,,

يسلمووووووووووووووووووووووووو
صح لسانك

احلى من الخيال
&
وحيد زماني
شكرااا ع المرووور ..